NRG Band grupi i njohur kosovar ditë më parë kanë bërë remake këngën ‘Ani mori nuse’ në versionin e tyre, këngë të cilën e morën nga bagazhi artistik i bilbilit të muzikës, Nexhmije Pagarusha.

Grupi i njohur kanë shkuar në një vizitë te legjenda e muzikës shqiptare, shkruan portali arbresh.info

Vokalistri i grupit Besnik Qaka ka bërë një postim në rrjetin social  ‘Instagram’, ku ka treguar për vizitën duke i bashkangjitur edhe disa imazhe përkrah Nexhmijes, në të cilat kishte shkruar edhe disa fjalë për të.

“Është gjithmonë kënaqësi të takosh bilbilin e Kosovës, zonjën Nexhmije Pagarusha të cilës i dëshirojmë shërim sa më të shpejtë. Megjithëse, kemi nderë dhe përgjegjësi të prezantojmë këngën e mirënjohur “Ani mori nuse” për të cilën me shumë respekt dëshirojmë ta falenderojmë Znj. Nexhmije Pagarusha që na mundësoj ta sjellim në versionin tonë e që njëkohësisht na frymëzon të vazhdojmë punën e tyre”, ka shkruan Besniku në mbishkrimin e imazheve. /arbresh.info/